花皇日記

 相信姊妹們都愛用碎粉~
因為這東東不但可以定妝, 補妝, 明亮氣息, 吸油等作用~ 更好的是, 它很輕很薄, 令面部感覺輕滑 但 沒有兩用粉或濕粉的阻塞毛孔~ 所以很多時, 如果想以淡妝出門的話, 一個防曬base + 碎粉便很有用了~

但當花第一天買碎粉時(第一盒是shu uemura), 便覺得這個原裝的粉盒太大了吧~ 有一次化妝出門, 帶了整個盒出去~ 到廁所補妝時被隔離的美女狂望, 只欠一笑吧~ 唯有補完妝快快手收好它吧~ 從此以後我便開始物色可攜式的碎粉盒~ 有見大家有著同樣的困惑, 花便在此公開我的珍藏和選盒祕技吧~

選粉盒之祕訣:
(1) 要選有網隔的粉盒
原因: 碎粉盒分膠隔 + 洞洞 和 網隔款~ 網隔的會比膠隔稍勝~ 因為使用網隔所沾取的碎粉會很平均~ 而且不會有太多或太少的問題~
而網格都有分不同的質素, 有綿圍在網隔周邊的話, 可不會容易飛粉/漏粉啊~ (請參考文章最後的比較表)
(2) 要選盒和蓋相連的粉盒
原因: 這個很難形容, 請看圖~ 圖 (1) 的是盒和蓋是相連的, 使用時便很方便~ 而且通常是有鏡子的~ 圖 (2) 的有點像普通的大碎粉盒般~ 當使用時, 要打開盒蓋收好, 才可以用碎粉~ 在街上相當不便啊~

  圖(1)

圖(2)

(3) 要選小呎吋的粉盒
原因: 當然是因為要帶出街吧~ 太大的又怎放得下包包呢??~ (正常之大碎粉盒厚度為 40mm, 可攜式的大約20mm)
(4) 其餘的原因, 如: 顏色, 附有鏡子, 粉卜的質素, 購買方便度, 可持續使用度 (例如可另外購置粉卜, 粉隔等) …

接著便介紹市面上有的碎粉盒了~

 Anna Sui 碎粉盒 , $190~
呢個都好出名~ 買左個送俾人~ 自己未用過~ 但講真, 粉卜唔靚, 較鞋身~ (當然可以自己換過個~) 價錢唔算貴, 而且有網隔~ 然而會有少量飛粉的情況~

Sofina 碎粉 , 價錢約$100以下(不準確)~
呢個顏色唔錯, 價錢唔貴~ 可惜size 大~ 而且係膠隔~ 

Mary Quant , $150
呢個可謂街知巷聞既粉盒~ 卜好軟, 而且會有兩個網隔~ 方便爛左或者清洗時替換~ 基本上最推介呢個~

Ettusais , 限量贈品
呢個真係好野啊~ 第一次擁有的碎粉盒就係佢啦~
粉卜軟, 又有網隔~ 而且外形少女又討好~ 然而是限量品~ 要等有promote 時才換到~ 但佢久唔久就會有一次promote~ 大家可以耐心的等待~

Ultra Smooth, $28
盒身係鐵盒~ 而且打開時盒同蓋會分開~
佢有埋個細粉卜, 都係好軟身~ 有時mary quant 的卜洗左, 我都係買個個牌子的卜代替~
仲有個細細的絨袋裝住~ 幾靚~ 可惜使用始終有不便~

Etude (只有細碎粉盒), $25, Log on 有售
或 大碎粉盒 + 碎粉 + 細碎粉盒 @ 卓悅, $125
呢個留意左好耐, 之前係卓悅見到買佢既碎粉 (約$125) 已經送埋個吉既碎粉盒~ 想入手, 但唔想浪費一盒買左唔用的碎粉~ 所以冇買~
但上星期去log-on 睇到有得單買佢個碎粉盒~ size 同sofina 的差唔多~ 稍嫌較厚身, 網的質地都較為易飛粉~ 但勝在價錢平~ 係一個好選擇~

KP , 限量贈品 @ 2006
而家已經冇可能到的限量品~ 很愛kp~ 有冇人願意割愛??~

最後是花擁有的碎粉盒了~ 花現有的有 (1) Ettusais (2) Ultra Smooth (3) Mary Quant
雖然花最常用的是mary quant~ 然而其實三個都很愛啊~

以下有一個小小的粉盒量度給大家看~ 希望可以幫到大家吧~
另外, 如果擁有其他不同的碎粉盒, 歡迎提供呎吋, 以助大家參考~

最後總結:

好的碎粉盒真係好難搵, 因為pressed powder 有時候真係唔可以取代碎粉~ 雖然有些姊妹會選擇用pressed powder 補妝, 然而我真的不想另外買多一盒粉啊~ (我已經有三盒碎粉, 可以用到天長地久了~)